سرائیکی زبان دا قومی ݙین٘ہ

٢٢ نومبر کوں سرائیکی زبان دا قومی ݙین٘ہ منایا ویسی، جِتھاں سرائیکی زبان دے فروغ دے مطالبے تے کامیابیاں کوں اجاگر کیتا ویسی۔ ایہ ݙین٘ہ سرائیکی وسیب دے لوکاں کیتے اپنی ثقافت، زبان تے تشخص دی عظیم اہمیت دی علامت ہے۔

کامیابیاں:

سرائیکی تحریک دی انتھک محنت تے جدوجہد دے نتیجے اچ کئی اہم مطالبے پورے تھئے ہن:
1. پنجاب تے کے پی کے اچ سرائیکی پارلیمانی زبان بݨ ڳئی ہے، جیہڑا ہک تاریخی قدم اے۔ ایہ سرائیکی زبان کوں سرکاری سطح تے عزت ݙیوݨ دے عمل اچ اہم سنگ میل ہے۔
2. ایف اے سطح تے سرائیکی دی کتاب چھپ ڳئی ہے، جیہڑا نوجواناں کوں اپݨی زبان تے ادب نال جوڑݨ دا ذریعہ بݨسی۔ ایہہ قدم سرائیکی ادب تے تاریخ کوں اڳتیں ودھاوݨ اچ مددگار ثابت تھیسی۔
3. دیرہ اسماعیل خان تے ٹانک اچ پہلی جماعت کنوں سرائیکی زبان لازمی مضمون بݨاوݨ، سرائیکی زبان دی حوصلہ افزائی تے اگلی نسل اچ سرائیکی زبان دے فروغ کیتے ہک اہم کامیابی ہے۔

نویں مطالبے:

سرائیکی وسیب دے لوک ایں ݙین٘ہ دے موقعے تے ٻئے مطالبے وی پیش کریسن جیہڑے سرائیکی زبان دے حق اچ ہن:
١۔ قومی اسمبلی تے سینیٹ اچ سرائیکی کوں پارلیمانی زبان بݨاؤ تاکہ قومی سطح تے سرائیکی زبان دی نمائندگی تھیوے۔۔
٢. سرائیکی کوں قومی زبان دے طور تے تسلیم کرݨ کیتے بل دی منظوری، ایہہ بل قومی اسمبلی تے سینیٹ وچوں منظور کروایا ونجے تاکہ سرائیکی زبان کوں دیگر قومی زباناں نال برابری دا درجہ ملے۔
٣. چھیویں جماعت کنوں میٹرک تائیں سرائیکی کتاباں چھاپݨ دی کوشش کیتی ون٘ڄے تاکہ بچے سرائیکی زبان تے ثقافت نال مضبوط رشتہ قائم کرسڳن۔
٤. باقی سرائیکی وسیب وچ وی پہلی جماعت کنوں سرائیکی لازمی مضمون بݨاون تاکہ سرائیکی بچے اپنی مادری زبان اچ تعلیم حاصل کر سڳن۔
سرائیکی وسیب دے لوکاں دی ایہ تحریک نہ صرف زبان دا تحفظ بلکہ اپنی ثقافتی شناخت کوں برقرار رکھݨ دی ہک مضبوط مثال ہے۔

National day of Saraiki language

The National Day of the Saraiki language is celebrated on November 22 each year. This day recognizes and promotes the Saraiki language, which is primarily spoken in southern Punjab, Pakistan. It aims to raise awareness about the cultural and linguistic heritage of the Saraiki-speaking community and to advocate for the recognition and preservation of the language. Events and activities, including cultural programs, poetry recitations, and discussions on language rights, are typically organized to honor the significance of the Saraiki language and its speakers.

سرائیکی زبان دا قومی ݙین٘ہ ہر سال ٢٢ نومبر کوں منایا ویندے۔ سرائیکی قوم ایں موقعے تے سرائیکی زبان دے ودھارے تے نفاذ کیتے ہک عزم کریندی ہے۔