میݙے خیال وچ پرائمری دے ٻالاں کیتے پہلی جماعت کنوں تریجھی جماعت تائیں ہِک زبان لازمی ہووݨی چاہیدی ہے، تے اوہ ٻال دی ماں ٻولی سرائیکی ہووے۔ ٻیاں زباناں ٻالاں اُتے زبردستی مسلط کرݨ دی بجائے مرحلہ وار پڑھائیاں ونڄن۔
پرائمری تعلیم کیتے مناسب لائحۂ عمل
جماعت: لازمی زباناں
پہلی : ١ — سرائیکی
ݙوجھی: ١ — سرائیکی
تریجھی: ١ — سرائیکی
چوتھی : ٢ — سرائیکی، انگریزی
پنجویں : ٣ — سرائیکی، انگریزی، اردو
:ایں طریقے دے فائدے
١۔ ٻال اپنی ماں بولی وچ آسانی نال پڑھ، لکھ تے سمجھ سڳدن۔
٢۔ حساب، سائنس تے ٻئے مضمون سمجھݨ وچ آسانی تھیسی۔
٣۔ سرائیکی زبان دی خواندگی تے علمی اصطلاحاں مضبوط تھیسن۔
٤۔ انگریزی تے اردو سکھݨ کیتے ٻالاں کوں مناسب وقت ملسی۔
٥۔ ٻالاں اُتے شروع کنوں کئی زباناں دا بوجھ کائناں پوسی۔
میݙی سفارش: پہلی جماعت کنوں صرف سرائیکی ذریعۂ تعلیم ہووے؛
اردو تے انگریزی چوتھی جماعت کنوں لازمی مضمون دے طور تے شروع کیتیاں ونڄن۔
البتہ زبان سکھݨ تے سارے مضمون ہک زبان وچ پڑھاوݨ ݙو وکھ وکھ ڳالھیں ہِن۔
پرویز قادر سرائیکی
ماہر تعلیم، ماہر لسانیات ، مؤرخ سرائیکستان
